toplu.az

Meydança tərəfdaş şərtləri

Versiya 1.0 · Son yenilənmə: 17.10.2026

Layihə. Bu sənəd hələ hüquqi yoxlamadan keçməyib, işarələnmiş yerlər doldurulmalıdır.

Bu şərtlər Toplu ilə idman meydançasının sahibi və ya operatoru ("Tərəfdaş") arasındakı münasibəti tənzimləyir. Tərəfdaşla imzalanan müqavilə ("Müqavilə") bu şərtlərə istinad edir. Kommersiya şərtləri (depozit faizi, komissiya, hesablaşma rekvizitləri) Müqavilənin Əlavə 1-də göstərilir. Əlavə 1 ilə bu şərtlər arasında ziddiyyət olduqda Əlavə 1 üstünlük təşkil edir.

[HÜQUQŞÜNAS YOXLAMASI: sənədin imzalanan müqavilə ilə əlaqəsi — bu mətn müqavilənin özü, yoxsa onun əlavəsi kimi istifadə olunacaq; Mülki Məcəllə üzrə müqavilə növü (agentlik, komisyon, xidmət göstərilməsi)]

1. Tərəflər və anlayışlar

1.1. Toplu: [DOLDUR: hüquqi şəxsin tam adı], VÖEN [DOLDUR: VÖEN], ünvan [DOLDUR: qeydiyyat ünvanı].

1.2. Tərəfdaş: Müqavilədə göstərilən hüquqi şəxs və ya fərdi sahibkar.

1.3. Meydança: Tərəfdaşın Platformada təqdim olunan idman obyekti (meydança, kort, zal).

1.4. Panel: Platformanın Tərəfdaş üçün nəzərdə tutulmuş idarəetmə bölməsi (toplu.az/manage).

1.5. Oyunçu: Platforma vasitəsilə Meydançanı bron edən istifadəçi.

1.6. Digər anlayışlar İstifadəçi şərtləri və Rezervasiya və ləğv qaydalarındakı mənada işlənir.

2. Müqavilənin predmeti

2.1. Toplu:

  • Meydançanı Platformada təqdim edir;

  • Oyunçulardan bron sorğuları qəbul edir;

  • Tərəfdaşın adından depozit toplayır və lazım olduqda Oyunçuya qaytarır;

  • Tərəfdaşla hesablaşır.

    [HÜQUQŞÜNAS YOXLAMASI: depozitin Tərəfdaş adından toplanmasının hüquqi forması və ödəniş xidmətləri ilə bağlı lisenziya/qeydiyyat tələbləri]

2.2. Meydançanın istifadəyə verilməsi xidmətini Oyunçuya Tərəfdaş göstərir. Toplu meydança xidmətinin göstərilməsində tərəf deyil.

2.3. Toplu bu xidmətlərə görə Tərəfdaşdan bölmə 6-da göstərilən komissiyanı alır. Oyunçulardan bron üçün xidmət haqqı alınmır.

3. Qoşulma və panel hesabları

3.1. Panel hesablarını Tərəfdaşın göstərdiyi şəxslər üçün Toplu yaradır. Hər hesab konkret şəxsə məxsus olmalıdır. Hesabların ortaq istifadəsi qadağandır.

3.2. Panel hesabı ilə ilk girişdə bu şərtlərin qəbulu qeydə alınır.

3.3. Tərəfdaş:

  • panel hesablarının təhlükəsizliyinə cavabdehdir;
  • işdən çıxmış və ya səlahiyyəti bitmiş şəxslərin girişinin dayandırılması üçün Toplu-ya dərhal bildirməlidir.

3.4. Panel hesablarından edilən hərəkətlər Tərəfdaşın hərəkətləri sayılır.

4. Meydança məlumatları

4.1. Tərəfdaş Meydança haqqında düzgün və aktual məlumat verir:

  • ad, ünvan, idman növü, ölçü, örtük, tutum;
  • imkanlar (duş, soyunub-geyinmə otağı, işıqlandırma və s.);
  • iş saatları;
  • saatlara və günlərə görə qiymətlər;
  • daxili qaydalar.

4.2. Qiymət dəyişikliyi barədə Toplu-ya ən azı [QƏRAR LAZIMDIR: neçə gün əvvəl] məlumat verilir. Artıq yaradılmış bronların qiyməti dəyişmir.

4.3. Tərəfdaş Toplu-ya təqdim etdiyi şəkillərə hüququ olduğunu təsdiq edir. Bu şəkillərdən Platformada və Toplu-nun sosial şəbəkə hesablarında Meydançanın təqdimatı üçün istifadəyə icazə verir (bölmə 13).

4.4. Platformada Oyunçuya göstərilən qiymətdən artıq ödəniş tələb etmək və ya əlavə gizli haqq almaq qadağandır [QƏRAR LAZIMDIR: əlavə xidmətlər (top, forma, duş) üçün meydançada ayrıca ödəniş alınmasına icazə və onun Platformada göstərilməsi qaydası].

5. Bronlar

5.1. Cavab müddəti.

  • Tərəfdaş Platformadan gələn bron sorğularını [QƏRAR LAZIMDIR: maksimum cavab müddəti, məs. 30 dəqiqə] ərzində təsdiqləməli və ya rədd etməlidir.
  • Bu müddətdə cavab verilməyən sorğular Toplu operatorlarına ötürülür. Operator Tərəfdaşla əlaqə saxlayaraq sorğunu Tərəfdaşın adından təsdiqləyə və ya rədd edə bilər.
  • Bron saatı başlayanadək təsdiqlənməyən sorğu avtomatik ləğv olunur və depozit Oyunçuya tam qaytarılır.

5.2. Depozit tələb olunan bron yalnız depozit ödənildikdən sonra təsdiqlənə bilər.

5.3. Cədvəlin düzgünlüyü. Meydançada yerindən və ya telefonla edilən bronları Tərəfdaş paneldə həmin saatları "bağlamaqla" qeyd etməlidir ki, Platformada həmin saatlara bron edilməsin. Platforma eyni saata iki bronun yaradılmasına texniki olaraq imkan vermir. Panel xaricində yaranan ziddiyyətlərə görə isə Tərəfdaş cavabdehdir.

5.4. Tərəfdaş təsdiqlənmiş bronu yerinə yetirməyə, Oyunçunu bron saatında qəbul etməyə və Meydançanı elan olunmuş vəziyyətdə təqdim etməyə borcludur.

5.5. Nəticənin qeydi. Bron saatından sonra Tərəfdaş Oyunçunun gəlib-gəlmədiyini panel vasitəsilə dürüst qeyd edir.

  • Saxta "gəlmədi" qeydi qadağandır.
  • Oyunçu qeydə 7 gün ərzində etiraz edə bilər. Etirazı Toplu araşdırır və Tərəfdaşdan izahat istəyə bilər.

6. Depozit, komissiya və pulun bölüşdürülməsi

6.1. Depozit.

  • Oyunçu bron zamanı bron qiymətinin Əlavə 1-də göstərilən faizini ("depozit faizi") onlayn ödəyir.
  • Depozit ödəniş provayderi [DOLDUR: ödəniş provayderinin adı] vasitəsilə Toplu-nun hesabına daxil olur.
  • Depozit faizi 0% ola bilər. Bu halda Oyunçu bütün məbləği meydançada ödəyir.

6.2. Meydançada ödəniş. Oyunçu brona gəldikdə Tərəfdaş qiymətin depozitdən sonra qalan hissəsini meydançada alır. Depoziti Oyunçudan təkrar tələb etmək qadağandır. Tərəfdaş panel vasitəsilə hər bron üzrə "Meydançada alınacaq" məbləği görür.

6.3. Komissiya.

  • Toplu-nun komissiyası Əlavə 1-də göstərilən faizdir və bronun tam qiymətindən hesablanır.
  • Komissiya baş tutmuş saatlar, gec ləğv olunmuş və ya Oyunçunun gəlmədiyi saatlar üçün tutulur.
  • Oyunçuya pulu tam qaytarılan saatlar üçün komissiya tutulmur.

6.4. Depozit faizi sıfırdan böyük olduqda o, komissiya faizindən az ola bilməz.

6.5. Pulun bölüşdürülməsi:

Hal Oyunçu Tərəfdaş Toplu
Oyunçu gəldi Depozit qiymətə daxil edilir, qalanını meydançada ödəyir Meydançada alınan məbləğ + (depozit − komissiya) Komissiya
Oyunçu 6 saatdan az qalmış ləğv etdi və ya gəlmədi Depozit qaytarılmır Depozit − komissiya Komissiya
Oyunçu 6 saat və daha çox qalmış ləğv etdi Depozit tam qaytarılır — —
Tərəfdaş rədd etdi, ləğv etdi və ya vaxtında cavab vermədi Depozit tam qaytarılır — — (bax: bölmə 8.3)

6.6. Depozitsiz (0%) Meydançalar üzrə komissiyanı Tərəfdaş hesablaşma dövrünün sonunda Toplu-ya ödəyir (bölmə 7.4).

6.7. Ödəniş provayderinin Oyunçuya pulun qaytarılması ilə bağlı xərclərini Toplu ödəyir [QƏRAR LAZIMDIR: ödəniş provayderinin adi əməliyyat komissiyasını kim ödəyir — Toplu, yoxsa Tərəfdaşın payından çıxılır].

6.8. Nümunə: bron qiyməti 60 ₼, depozit faizi 30%, komissiya 10%.

  • Oyunçu gəldi:
    • Oyunçu onlayn 18 ₼, meydançada isə 42 ₼ ödəyir;
    • Toplu-nun komissiyası 6 ₼-dir;
    • Toplu Tərəfdaşa 12 ₼ köçürür;
    • Tərəfdaş cəmi 54 ₼ alır.
  • Oyunçu gəlmədi: Tərəfdaş 12 ₼, Toplu 6 ₼ alır.

7. Hesablaşma

7.1. Hesablaşma dövrü [DOLDUR: aylıq / həftəlik — Əlavə 1] təşkil edir.

7.2. Hər dövrün sonunda Toplu panelin "Hesablaşma" bölməsində hesablaşma hesabatı dərc edir. Hesabatda dövr ərzində yekunlaşmış bronlar, toplanmış depozitlər, qaytarılmış məbləğlər, komissiya və Tərəfdaşa çatacaq (və ya Tərəfdaşın ödəməli olduğu) xalis məbləğ göstərilir.

7.3. Tərəfdaş hesabata [QƏRAR LAZIMDIR: etiraz müddəti, məs. 5 iş günü] ərzində etiraz edə bilər. Etiraz edilməyən hesabat qəbul edilmiş sayılır.

7.4. Xalis məbləğ:

  • müsbətdirsə, Toplu onu hesabat qəbul edildikdən sonra [DOLDUR: neçə iş günü] ərzində Tərəfdaşın Əlavə 1-də göstərilən bank hesabına köçürür;

  • mənfidirsə (məsələn, depozitsiz Meydançalarda), Tərəfdaş onu eyni müddətdə Toplu-ya ödəyir.

    [DOLDUR: ödəniş üçün sənədləşmə — hesab-faktura, elektron qaimə-faktura] [HÜQUQŞÜNAS YOXLAMASI: vergi və mühasibat sənədləşməsi]

7.5. Hər tərəf öz vergi öhdəliklərinə özü cavabdehdir.

8. Ləğvlər

8.1. Oyunçunun ləğvinə Rezervasiya və ləğv qaydaları tətbiq olunur. Pulsuz ləğv müddəti bron saatından 6 saat əvvələdək davam edir.

8.2. Tərəfdaş təsdiqlənmiş bronu yalnız üzrlü səbəbdən ləğv edə bilər:

  • texniki nasazlıq;

  • hava şəraiti;

  • səlahiyyətli orqanların göstərişi;

  • fors-major.

    Ləğv panel vasitəsilə, səbəb göstərilməklə, mümkün qədər tez edilir. Oyunçuya depozit tam qaytarılır.

8.3. Tərəfdaşın üzrsüz ləğvləri və ya cavabsız qalan sorğuları üçün [QƏRAR LAZIMDIR: cərimə və ya digər tədbir — məsələn, ayda N-dən çox halda Meydançanın Platformada göstərilməsinin müvəqqəti dayandırılması].

9. Oyunçuların fərdi məlumatları

9.1. Tərəfdaş panel vasitəsilə yalnız bronun icrası üçün zəruri məlumatları görür:

  • Oyunçunun istifadəçi adı;
  • bron saatları və qeydi;
  • depozit statusu və məbləğlər;
  • Oyunçunun son 6 ayda gəlməmə sayı;
  • təsdiqlənmiş bronlar üçün Oyunçunun telefon nömrəsi (Oyunçu onu göstəribsə);
  • tez-tez bron edən Oyunçuların adları və bron sayı (statistika).

9.2. Tərəfdaş bu məlumatlardan yalnız bronun icrası və Oyunçu ilə həmin bron barədə əlaqə üçün istifadə edə bilər. Aşağıdakılar qadağandır:

  • reklam və ya marketinq məqsədilə istifadə;
  • üçüncü şəxslərə ötürmə;
  • bron başa çatdıqdan sonra Platformadan kənar baza yaratmaq.

9.3. Tərəfdaş məlumatların məxfiliyini və təhlükəsizliyini təmin edir. Məlumatların icazəsiz yayılması aşkar edildikdə Toplu-ya dərhal bildirir.

9.4. [HÜQUQŞÜNAS YOXLAMASI: "Fərdi məlumatlar haqqında" Qanuna əsasən Tərəfdaşın statusu (müstəqil operator və ya Toplu-nun tapşırığı ilə emal edən şəxs) və tərəflər arasında məlumat emalı haqqında razılaşmanın zəruriliyi]

10. Təhlükəsizlik və keyfiyyət

10.1. Tərəfdaş Meydançanın təhlükəsiz olmasına və qanunvericiliyin tələblərinə uyğunluğuna cavabdehdir:

  • örtük, avadanlıq, işıqlandırma;

  • yanğın təhlükəsizliyi, sanitariya;

  • ilk tibbi yardım vasitələri.

    [HÜQUQŞÜNAS YOXLAMASI: idman obyektləri üçün məcburi tələblər]

10.2. [QƏRAR LAZIMDIR: Tərəfdaşdan mülki məsuliyyət sığortası tələb olunurmu]

10.3. Meydançada baş verən hadisələr (zədə, əmlak zərəri, mübahisə) barədə Tərəfdaş Toplu-ya məlumat verir. Hadisə Platforma vasitəsilə edilmiş bronla bağlıdırsa, bu, xüsusilə vacibdir.

11. Rəylər və reytinq

11.1. Oyunçular Meydançaya rəy və reytinq yaza bilər.

11.2. Tərəfdaş:

  • öz Meydançasına rəy yaza, yazdıra və ya rəy müqabilində güzəşt təklif edə bilməz;
  • rəqib meydançalara saxta rəy yaza bilməz.

11.3. Qaydaları pozan rəydən Platformadakı "Şikayət et" funksiyası ilə şikayət edilə bilər. Rəyin silinməsi barədə qərarı Toplu verir.

12. Toplu-nun öhdəlikləri

Toplu:

  • Platformanın işləməsini təmin etməyə çalışır və planlı fasilələr barədə əvvəlcədən məlumat verir;
  • depozitləri bu şərtlərə uyğun toplayır, qaytarır və vaxtında hesablaşır;
  • Tərəfdaşın kommersiya şərtlərini məxfi saxlayır;
  • Oyunçularla bağlı mübahisələrin həllində kömək edir.

13. Əqli mülkiyyət

13.1. Tərəfdaş Toplu-ya Meydançanın adını, loqosunu və təqdim etdiyi şəkilləri Platformada və Toplu-nun sosial şəbəkə hesablarında Meydançanın təqdimatı üçün Müqavilə müddətində istifadə etməyə qeyri-müstəsna, ödənişsiz icazə verir.

13.2. Tərəfdaş "Toplu" adından və loqosundan yalnız Toplu-nun yazılı razılığı ilə istifadə edə bilər.

14. Məsuliyyət

14.1. Hər tərəf Müqavilə üzrə öhdəliklərinin icra edilməməsi nəticəsində digər tərəfə vurduğu faktiki zərərə görə qanunvericiliyə uyğun məsuliyyət daşıyır.

14.2. Meydançada Oyunçuların həyatına, sağlamlığına və əmlakına vurulan zərərə görə, Meydançanın vəziyyəti və ya Tərəfdaşın işçilərinin hərəkətləri ilə bağlı olduğu həddə, Tərəfdaş məsuliyyət daşıyır. Belə zərərlə bağlı Toplu-ya qarşı iddia irəli sürülərsə, Tərəfdaş Toplu-nun çəkdiyi xərcləri ödəyir [HÜQUQŞÜNAS YOXLAMASI].

14.3. Toplu Platformanın müvəqqəti əlçatmazlığı nəticəsində əldən çıxmış faydaya görə məsuliyyət daşımır [HÜQUQŞÜNAS YOXLAMASI].

15. Müddət və xitam

15.1. Müqavilə imzalandığı gündən qüvvəyə minir və müddətsizdir [QƏRAR LAZIMDIR: müddətli (məs. 1 il, avtomatik uzadılmaqla) və ya müddətsiz].

15.2. İstənilən tərəf Müqaviləni digər tərəfə [DOLDUR: xəbərdarlıq müddəti, məs. 30 gün] əvvəl yazılı bildirişlə xitam edə bilər.

15.3. Tərəflərdən biri Müqaviləni ciddi pozduqda (məsələn, təkrar saxta "gəlmədi" qeydləri, Oyunçu məlumatlarından sui-istifadə, ödənişlərin gecikdirilməsi) digər tərəf Müqaviləni dərhal xitam edə bilər.

15.4. Xitam zamanı:

  • artıq təsdiqlənmiş bronlar [QƏRAR LAZIMDIR: yerinə yetirilir / ləğv olunur və depozitlər tam qaytarılır];
  • yekun hesablaşma bölmə 7-yə uyğun aparılır;
  • Meydança Platformada gizlədilir, panel hesabları bağlanır.

16. Dəyişikliklər

Toplu bu şərtləri dəyişə bilər. Dəyişikliklər barədə Tərəfdaşa ən azı [QƏRAR LAZIMDIR: neçə gün əvvəl, məs. 30 gün] e-poçt və panel vasitəsilə məlumat verilir. Kommersiya şərtləri (Əlavə 1) yalnız tərəflərin yazılı razılığı ilə dəyişdirilir.

17. Tətbiq olunan hüquq və mübahisələr

17.1. Bu şərtlərə və Müqaviləyə Azərbaycan Respublikasının qanunvericiliyi, o cümlədən Azərbaycan Respublikasının Mülki Məcəlləsi tətbiq olunur [HÜQUQŞÜNAS YOXLAMASI].

17.2. Mübahisələr danışıqlar yolu ilə həll edilir. 30 gün ərzində həll olunmayan mübahisələr Azərbaycan Respublikasının məhkəmələrində baxılır [HÜQUQŞÜNAS YOXLAMASI: iqtisadi mübahisələr üzrə məhkəmə aidiyyəti].

18. Əlaqə

Toplu tərəfdaşlıq üzrə: [DOLDUR: tərəfdaşlıq üçün əlaqə e-poçtu] · [DOLDUR: əlaqə telefonu]

Əlavə 1 — Kommersiya şərtləri (hər Tərəfdaş üçün ayrıca doldurulur)

Sahə Dəyər
Tərəfdaş (ad, VÖEN, ünvan) [DOLDUR]
Meydança(lar) [DOLDUR]
Depozit faizi [DOLDUR: %, 0–100]
Komissiya faizi (bronun tam qiymətindən) [DOLDUR: %]
Hesablaşma dövrü [DOLDUR: aylıq / həftəlik]
Ödəniş müddəti (hesabat qəbul edildikdən sonra) [DOLDUR: iş günü]
Bank rekvizitləri [DOLDUR]
Bron sorğusuna maksimum cavab müddəti [DOLDUR]
Panel istifadəçiləri (ad, e-poçt) [DOLDUR]
Əlaqə şəxsi [DOLDUR]
Qüvvəyə minmə tarixi [DOLDUR]